Sekretari për Media dhe Komunikim i Lëvizjes Vetëvendosje (LV) Arlind Manxhuka është “përplasur” në distancë me gazetarin Berat Buzhala, për rastin e Dejan Pantiqit, shkruan Fol Drejt.
Ish policit Pantiq, iu ndryshua masa e paraburgimit në arrest shtëpiak.
Për këtë vendim pati një valë reagimesh, e ndër to edhe ajo e zëdhënësit të LV-së Manxhuka i cili shkroi në llogarinë e tij në Facebook:
“Ky aktlirim është akttradhëti!”
Te ky postim ka komentuar edhe gazetari Buzhala, i cili e ka provokuar një debat, i cili nuk ka përfunduar aq lehtë:
- Pse se sollet ne Prishtine? – e ka pyetur Buzhala;
- Berat Buzhala sepse shokët e shokut tënd në veri kanë bllokuar rrugët dhe ishim ne pritje të Kfor-it. – i është gjegjur Manxhuka;
- pfffff fore të lodhta. A do me ta nisë një video, që po besoj e ke pa, kur e patën pru Gjuricin për vizitë në Prishtinë 😂. – ka vijuar Buzhala;
- Nuk e di a e ke pa ti një video ku në vendin ku ishte gurthyesi yt dhe i Veselinoviqit tash është Njësia Speciale e PK-së. Nëse don ta nisi nëse të ka rënë malli për parcelën tende. – ia ka kthyer Manxhuka;
- Manxhukë, sa barrikada u bonën në veri, edhe a mujtët nojnja me e hjekë? Nëse të ndihmon psiqikisht me u marrë me gurethyes për me i mbulu dështimet, mundesh me u marrë, ama Berit nuk mundeni me ja nxonë krytë me këso fore të lodhta. – i është kundërpërgjigjur Buzhala.
Por manxhuka, nuk e ka kursyer:
- Këtu qëndron problemi se për mu bashkëpunimi i çdokujt me Veselinoviq nuk është fore a për ty ndoshta ka qene. – i ka thënë ai.
- Manxhukë, fulliranta jeni. Po lypë ndihmë prej KFOR’it për në Veri, e Hashën e patët shpallë tradhtar që e ka pas nënshkru një marrëveshje me KFOR’in. – ka shtuar Buzhala.
- Ti ne fakt je duke e forcu argumentim tim. Pikërisht pse ai vendim është ashtu ne jemi sot ku jemi. Pra, vendimi e bën spektator FSK-në në veri, prandaj presim Kfor-in. – ka argumentuar Manxhuka.
- 😂
Ngom, Albin Kurti në pandemi e ka pas thanë njëfarë fjalie, ka pas thanë “kur është në pyetje interesi i qytetarit, unë se respektoj as kushtetutën”. Po foli për ato masat që i ndërmerrke, e që Kushtetuesja merrke vendime kundër. Tash, në pamundësi për me bo çkado, sepse as nuk keni plan, as guxim, as fuqi, e as ide, po thoni po na pengojnë ligjet. Njëjtë si me bashkim me Shqiperinë. Kur e fitutë pushtetin e lexutë kushtetutën, edhe thatë “s’paskmi mundesi” 😂 – ka taktizuar Buzhala.
- O Berat në pandemi ke pas fol edhe ti shumë, bile qysh ke fol ti nuk e kuptoj pse ende është Bondsteel këtu, por edhe Ambasda Amerikane qe besa. Disa herë kemi pas qenë sipas teje ‘një tweet larg katastrofës’, por ja ku jemi, VV në qeveri, ti pa gurthyes në veri dhe më në fund askush nuk ta dredh kryt për borgjet politike dhe flet lirshëm këtu. – i thotë Manxhuka, duke ia përmendur për herë të dytë gurthyesin.
- Arlind Manxhuka edhe Kosova pa pjesë veriore, para hundëve të Kurtit, edhe Kosova me import rekord prej Serbisë, me mbi 350 milion euro ne vit. – vijon Buzhala.
Por Manxhuka e mbyllë me një koment përfundimtar:
- Berat Buzhala 1. Kosova është me pjesën veriore, pavarësisht se para pak vitesh nga bashkëpunëtorët e tu quhej ‘Dhurate e Rankoviqit’.
- Importi nuk është rritë nga Serbia, por është rrite formaliteti, pikërisht pse shokët e tu në veri, ata të krimit të organizuar, nuk fusin dot me kamionë pa doganim e zhdoganim.
- Si mund t’i përmendesh këto argumente në mënyre të rrjeshme kur pikërisht ti si punëtor i Grenellit beje lajme e lajme për të hequr Taksen e reciprocitetin sepse ishim ‘një tweet larg katastrofës’?!
Pas këtij komenti më Buzhala nuk ka komentuar.
Por “akuzat” për biznes të përbashkët me Zvonko Veselenoviqin në veri të Mitrovicës, ai i pat pranuar në një emision televiziv “Me Shukin” në vitin 2015. Megjithëse nuk ia përmend emrin këtij të fundit, sipas Maxhukës, bëhet fjalë për Veselenoviqin.
“Qyre, ajo u kanë aventura ma fatkeqe, edhe atë e pranoj… e jemja… ka qenë një dëshirë me investu në pjesën veriore… nën njo s’jon kanë pare të mia, ato i kanë investu Buja dhe Akani, janë kanë dikun nja 3, 4 milion euro” – ka thotë ai, duke thënë se gjithçka ndodhi pasi u motivuan nga disa politikanë të cilët i kanë inkurajuar për të investuar në veri.
Ua kujtojmë se eksponentët e partisë në pushtet, e akuzojnë Buzhalën dhe mediumin të cilin ai e udhëheq, si të njëanshëm për sa i përket prezantimit të punës së Qeverisë së Kosovës.
Postimi i fundit i Buzhalës në llogarinë e tij në Facebook ka të bëjë pikërisht me zhvillimet e fundit në vend. Në një mënyrë ai e akuzon Qeverinë Kurti se me veprimet e fundit, po e faktorizon Serbinë:
“Po i dëmtojnë raportet me aleatet tonë, edhe po e mbajnë Serbinë të fuqishme në Kosovë.
– Serbia ka vendose për targa;
– Serbia ka vendose për zgjedhje;
– Serbia ka vendose për barrikada.
Krejt tjerat janë pollavra.”/FolDrejt/
