Protesta e banorëve të Unazës së Re ka vijuar edhe sot, në ditën e 63-të të saj, ndërsa këtë pasdite, të pranishëm ishin edhe deputetë të Partisë Demokratike, shkruan TCH.
Banorët kanë përsëritur thirrjen kundër qeverisë Rama dhe mbi të gjitha kundër projektit që parashikon prishjen e shtëpive të tyre.
Deputeti i Partisë Demokratike, Klevis Balliu ishte i pranishëm në protestë dhe u bëri apel banorëve të Unazës, që të bashkohen me studentët në protestën e të hënës.
Ky i fundit bëri një apel edhe për Kryeprokuroren e Përgjithshme të Përkohshme, Arta Markun, të cilës i kërkoi të zbardhë aferën korruptive të tenderimit të njërit prej loteve të unazës.
