Ka kaluar me sukses draft-amendamenti i parë dhe më i rëndësishëm XXXII për ndryshimin e emrit kushtetues të Maqedonisë. Në këtë draft-amendament parashihet që në Kushtetutë fjalët Republika e Maqedonisë të zëvendësohet me fjalët Republika e Maqedonisë së Veriut.
Ky amandament kaloi me 67 vota “për” dhe katër “abstenime” dhe 23 “kundër”. Më pas me 65 vota “për”, 18 “kundër” dhe 8 “abstenime”, Kuvendi i Maqedonisë e ka konfirmuar draft-amendamentin 34 (XXXIV) për ndryshimet kushtetuese, sipas Marrëveshjes së Prespës për zgjidhjen e çështjes së emrit.
Ky amendendament parasheh që: Në preambulën e Kushtetutës së Republikës së Maqedonisë fjalët “Vendimet e ASNOM-it” të zëvendësohen me fjalët “Shpallja e seancës së parë të ASNOM deri te populli Maqedonas për mbajtjen e seancës së parë të ASNOM”, pas fjalës “viti” shtohen edhe fjalët “dhe Marrëveshja e Kornizë e Ohrit”, kurse fshihen fjalët “vendosën të”.
Në Kuvend sot do ta vazhdojnë seancën e 64 me diskutimin për draft-amendamentet për ndryshimin e Kushtetutës.
Asnjë ndryshim kushtetues nuk është i vlefshëm derisa të mbyllet Kushtetuta. Në fund nevojiten dy të tretat e deputetëve./Foldrejt.com
