Presidenti i Serbisë, Aleksandar Vuçiq, ka njoftuar sot se në një bisedë me përfaqësuesen e Sekretarit të Përgjithshëm të Kombeve të Bashkuara dhe shefen e Misionit të UNMIK-ut, Karolina Zijade, në Beograd, ka theksuar veçanërisht se “dënimi më i qartë i politikës destruktive i Prishtinës” mungon në çështjen e shtypjes sistematike të serbëve dhe joshqiptarëve të tjerë, njofton Tanjug, transmeton Fol Drejt.
Vuçiq ka theksuar në llogarinë në Instagram se në bisedë është arritur marrëveshje që shqyrtimi i vazhdueshëm i çështjes së Kosovës në Këshillin e Sigurimit të OKB-së është thelbësor, para së gjithash që komuniteti ndërkombëtar të informohet rregullisht dhe në mënyrë transparente.
“Për Serbinë, OKB-ja vazhdon të jetë organizata më e rëndësishme ndërkombëtare, te ndikimi i së cilës ne mbështetemi në drejtim të ruajtjes së integritetit territorial dhe sovranitetit, veçanërisht pasi vendi ynë vazhdimisht mbron respektimin e parimeve të së drejtës ndërkombëtare dhe zbatimin e Sigurisë së OKB-së ligjërisht të detyrueshme.”, tha Vuçiq./FolDrejt/