Presidenti i Serbisë Aleksandër Vuçiq është nën presion të madh – shkruan gazeta Danas. Sipas një artikulli të botuar së fundmi në opozitaren serbe, prej tij po kërkohet t’i vë sanksione Rusisë dhe të bëjë më shumë në zgjidhjen e çështjes së Kosovës, ndërsa ai po orvatet të gjej një shteg të ri për “ta çarë” rrethin e presionit nga Perëndimi, shkruan Fol Drejt.
“Në Kosovë i dëboi serbët nga institucionet dhe i la në shkretëtirë. Kokat e tyre i ka në çantë ndërsa ai e shijon performancën e gjoja një burrështetasi. Propaganda pro Putinit është vetëm për përdorim të brendshëm. Një burrë i shantazhuar në qendër të krimit të organizuar duhet të dëgjojë udhëzimet. Krizat e drejtuara shërbejnë për ta mbuluar pozitën e tij vartëse, grabitjen e burimeve publike dhe lidhjet me krimin e organizuar” – ka thënë për Danasin – Ognjen Radonjić profesor në Fakultetin Filozofik në Beograd.
Edhe psikologu Zharko Koraçit, ka ndarë të njëjtin mendim. Sipas tij Vuçiq së fundmi ka bërë lëvizje shumë të këqija në Kosovë, në radhë të parë duke kërkuar që serbët të largohen nga të gjitha institucionet e Kosovës, gjë që e destabilizoi shumë veriun e Kosovës.
“Kjo më tej i bindi SHBA-të se çështja e zgjidhjes së problemit të Kosovës është çështje e të gjitha çështjeve”, thotë Koraq.
Dërgimi i Ivica Daçiqit në Zagrep dhe mospjesëmarrja e tij në festën e Republikës Srpska në Sarajevën serbe, janë sinjale që ai ia ka çuar perëndimit – si politikan i mirë properëndimor.
“Për të njëjtat arsye, ai nuk shkoi në festën e paligjshme të Republikës Srpska, e cila, për të qenë edhe më provokuese, u mbajt në të ashtuquajturën Sarajevë serbe. Për të mos i zhgënjyer votuesit e tij, ai dërgoi si përfaqësues djalin e tij, i cili mendoj se është krejtësisht i papjekur. Dyshoj se dikujt atje i ka bërë përshtypje kjo” – citohet të ketë thënë Korać.
Megjithatë për këto veprime opinioni serb e ka gjykuar Vuçiqin, dhe madje nuk ia kanë kursyer as të birin të cilin e kanë bullizuar, për ç’gjë bashkëpunëtorët e tij të afërm, po përpiqen ta mbrojnë./FolDrejt/
