Mediat në Beograd thonë se Presidenti i Serbisë Aleksandër Vuçiq e ka informuar kabinetin e tij qeveritar, për sa u përket të rejave rreth bisedimeve për Kosovën, përkatësisht takimet me delegacionin ndërkombëtar, shkruan Fol Drejt.
Të premten me përfaqësuesit e SHBA-ve, BE-së, Gjermanisë, Francës dhe Italisë, ia vunë përpara planin e ashtuquajtur “franko-gjerman”, për zgjidhjen e normalizimit marrëdhënieve Serbi – Kosovë.
Në mbrëmje ai pritet ti adresohet opinionit serb në orën 20:00. Përveçse që do t’i informojë qytetarët, ai po ashtu edhe do t’ju tregojë atyre se çfarë plani ka ai përpara.
Sipas “Danas”, presidenti ka pranuar të ashtuquajturin plan franko-gjerman dhe është pajtuar për vijimin e negociatave me Kosovën.
Heshtje para stuhisë
Në një pjesë të madhe të opozitës mbizotëron ideja që Vuçiq tashmë është bërë gati që ta “dorëzojë” Kosovën, ndërsa pjesa tjetër po qëndron e qetë, e papërcaktuar e me bindje të dyzuar rreth fatit të dialogut.
Besohet se tashmë ai është rrëfyer përpara partisë së vetë, por ende nuk dihet kur do të raportojë në kuvend.
Mediat pro qeveritare kanë thënë se Vuçiq ka “kërcënuar” me dorëheqje anëtarët e partisë së tij, “nëse dikush nga partia pretendon se do të mund të arrinte më shumë në këtë proces të vështirë” të dialogut me Kosovën.
“Kujtojmë se Vuçiq dha dorëheqjen nga posti i presidentit vitin e kaluar me shpjegimin se: këtë do ta bënte për ta blerë Serbinë edhe gjashtë apo nëntë muaj, pra nëse vendit të tij do t’i imponohej një zgjidhje e papranueshme dhe poshtëruese për Kosovën. Prandaj nuk duhet përjashtuar as ky skenar, ndonëse Vuçiq nuk duket se është gati për këtë tani” – shkruan sot Danas.
Në qoftë se gjërat shkojnë ashtu siç janë paralajmëruar, dhe nëse merret parasysh atë që e ka paralajmëruar kryeministrja Bërnabiq, për çështjen e Kosovës mund të mbahet edhe referendum.
Sot mediat serbe po ashtu kanë shkruar se deri në mars do të arrihet marrëveshja për asociacionin, ndërsa në qershor marrëveshja përfundimtare me njohje reciproke./FolDrejt/
