Me ligjin për demokracinë e drejtpërdrejtë në Zvicër, është paraparë se nëse ndonjë organizatë ose parti politike i grumbullon më shumë se 100 mijë nënshkrime, mbahet një referendum mbarështetëror për atë kërkesë. Për këtë arsye Zvicra njihet si shteti më demokratik në botë dhe thuajse në çdo pak muaj mbahet referendume të ndryshme.
Sot në Zvicër është votuar për tre iniciative ta ndryshme ku rezultaten janë si vijojnë: Lopët e Zvicrës edhe më tutje mund t’u priten brirët – edhepse kjo iniciativë e çiftit Armin dhe Claudia Capaul nuk kaloi pozitivisht për pak. Blegtori Armin ka theksuar se qeveria nuk mund të injorojë tërësisht votat pro kësaj iniciative dhe tashmë ai kërkon që ndalimi i prerjes së brinjëve që u sjellin shumë “dhimbje kafshëve shtëpiake” të ndalohet në parlament.
Në iniciativën tjetër, detektivët mund të vëzhgojnë fshehurazi «mashtruesit socialë». Një pjesë e madhe e zviceranëve paraqiten si “invalidë” për të përfituar pensionin invalidor. Me iniciativë të disa partive ky referendum mori mbështetje, përkundër që disa organizata liberale nuk e mbështetën me pretekstin se ndërhyhet në jetën private.
Ajo ku kanë dështuar popullistët e SVP është iniciativa kundër “gjykatësve të huaj” që është një grusht i fortë ndaj popullistëve. Rreth 65 përqind e zviceranëve votuan për ndërhyerjen e të drejtës ndërkombëtare në juridiksionin zviceran. Në rast të kundërt, rreth 600 marrëveshje ekonomike mes Zvicrës dhe shteteve tjera mund të pezulloheshin. SVP kërkonte që drejtësia helvete të ishte e pavarur nga Gjykatat Ndërkombëtare (si ajo e Strasburgut).
Në referendumin e katërt, që është lokal, edhe vetë banorët e kantonit të Cyrihut kanë votuar pro në referendumin a janë dakort që të ndërtohet stadioni me dy rrokaqiej, si në foton e profilit lartë./Foldrejt.com
