Sipas të dhënave të fundit, në pikat kufitare në Kosovë, është shtuar sërish fluksi i veturave, përkatësisht edhe koha e pritjes për të kaluar nëpër këto pika, shkruan Fol Drejt.
Më saktësisht, pritjet më të gjata po shkaktohen në pikën dalëse në Merdare. Ato po zgjasin deri në 1 orë e gjysmë, ndërsa kolona e automjeteve është deri në 1 kilometër. Ndërkaq për të hyrë në Kosovë nga kjo pikë kufitare, pritjet janë vetëm deri në 10 minuta.
Situatë pothuajse e njëjtë është edhe në pikën tjetër kufitare që lidh Kosovën me Serbinë te Dheu i Bardhë.
Në dalje të kësaj pike kufitare pritjet janë afro 1 orë, ndërkaq kolona e automjeteve është 300 metra. Ndërsa në hyrje kolona është deri në 30 metra kurse pritjet janë 10 minuta.
Në pikat e tjera, situata është më e relaksuar, raporton Fol Drejt. Për më shumë, shihni tabelën:
