Ministri i Mbrojtjes i Kosovës, Armend Mehaj ka folur rreth angazhimit të Forcës së Sigurisë së Kosovës.
Ushtarët e Forcës së Sigurisë së Kosovës para një jave kanë gjetur gjatë kërkimit të tyre rreth 1600 mina të pashpërthyera, transmeton Fol Drejt.
Për këtë Mehja është shprehur në Facebook:
“Heronjtë tanë vazhdojnë misionin e shenjtë për Kosovën, çdo ditë e më të sigurt nga mjetet e pashpërthyera.
Specialistët tanë të deminimit janë duke kryer operacionet e pastrimit në Parkun e Lirisë në Ferizaj, ku kanë hasur në një sasi të madhe të municioneve eksplozive të llojeve dhe kalibrave të ndryshëm.
Rreth 1600 copë municioneve të gjetura që përfshijnë predha të mortajës dhe artilerisë, të mbetura kryesisht nga Lufta e Dytë Botërore nuk do të paraqesin më rrezik për qytetarët tanë.
Kompania e Deminimit do të vazhdoj me përkushtim të lartë deri në pastrimin e të gjitha fushave të rrezikshme me mina dhe municione eksplozive.
Vazhdojmë drejtë sukseseve të radhës!”, është shprehur Mehaj./FolDrejt/
