Lisa Smith, një ish-ushtare në Forcat Irlandeze të Mbrojtjes, u dënua me 15 muaj burg të premten për shkak se ishte anëtare e grupit terrorist DEASH.
Smith, 40-vjeçe, ishte shpallur fajtore në maj nga një Gjykatë Speciale Penale pa juri në kryeqytetin irlandez Dublin, shkruan AA, transmeton Fol Drejt.
Megjithatë, ajo u lirua nga një akuzë e veçantë e financimit të terrorizmit.
Smith ishte anëtare e Forcave Irlandeze të Mbrojtjes nga viti 2001 deri në vitin 2011, kur ajo pranoi Islamin. Ajo aplikoi për lirim nga detyra për shkak të mospërputhjeve midis shërbimit të saj ushtarak dhe interpretimit të saj të Islamit.
Në vitin 2015, ajo udhëtoi në territorin e kontrolluar nga DEASH në Siri, lindi një vajzë në vitin 2017 dhe në vitin 2019 u kthye në Irlandë pas rënies së grupit terrorist.
Ajo u arrestua në aeroportin e Dublinit dhe më pas u akuzua për vepra terrori./FolDrejt/
