Gazetari dhe publicisti Fadil Pushkolli i cili i është bashkuar një ekipi vullnetarësh që kanë shkuar në Turqi, ka njoftuar nëpërmjet statusi në llogarinë e tij në Facebook se janë shpëtuar dy të rinj nga Kahramanmarash-i, 198 orë pas tërmetit, transmeton Fol Drejt.
Sipas njoftimit të Pushkollit, dy të rinjtë ishin vëllezër:
“Vëllezërit të cilët u nxorën të plagosur u dërguan me ambulancë në spital.
Ekipet e kërkim-shpëtimit të Fondacionit të Ndihmës Humanitare për të Drejtat dhe Liritë e Njeriut (IHH) dhe Ekipet e kërkim-shpëtimit nga Bosnja bënë një luftë të madhe në punimet e kryera në këtë operacion.
Zoti i shpërbleftë të gjitha ekipet e shpëtimit, që e bëjnë punën e tyre dhe shpëtojnë jetë njerzish” – ka shkruar Pushkolli.
Kërkimi për të mbijetuarit në zonat e goditura nga tërmeti në Turqi dhe Siri, ende po vijojnë.
Sipas Al Jazeras afër 8000 qytetarë kanë arritur të shpëtohen deri më tani.
Numri i të vdekurve nga tërmetet ka shkuar në 37,000. Autoritetet turke thonë se 31,643 njerëz janë mbytur në vend, ndërsa më shumë se 5,800 njerëz kanë vdekur në Siri, sipas OKB-së dhe qeverisë siriane./FolDrejt/
