Agjencia Kombëtare e Menaxhimit të Thatësirës në Kenia (NDMA) deklaroi se 2.6 milionë kafshë në vend janë në rrezik të ngordhjes për shkak të thatësirës.
Në deklaratën e tij, kreu i NDMA-së Hared Hassan tërhoqi vëmendjen për thatësirën në Kenia dhe shtoi se thatësira e gjatë ka ndikuar negativisht te kafshët, shkruan AA, përcjell Fol Drejt.
Duke theksuar se 2.6 milionë kafshë janë në rrezik të ngordhjes për shkak të thatësirës, Hassan tha se situata aktuale mund të ndikojë negativisht në sektorin e blegtorisë.
“Prodhimi i ulët i qumështit për shkak të vdekshmërisë së kafshëve rrit kequshqyerjen”, tha Hassan.
Thatësira më e madhe që nga vitet 1980
Vala më e rëndë e thatësirës e parë në Afrikën Lindore që nga vitet 1980 ka bërë që miliona njerëz të vdesin nga uria.
Është vlerësuar se të paktën 36 milionë njerëz në vendet anëtare të Autoritetit Ndërqeveritar për Zhvillim (IGAD) janë prekur nga thatësira.
Në rajonin ku prodhimi bujqësor ka rënë dhe kriza ushqimore filloi pas pushtimit të karkalecave të shkretëtirës në vitin 2019, fakti që reshjet ishin shumë më të ulëta sesa pritej gjatë periudhave të njëpasnjëshme të shiut, shkaktoi krizën e re ushqimore.
OKB-ja njoftoi se bagëtitë filluan të ngordhnin për shkak të thatësirës ndërsa familjet lanë shtëpitë e tyre për shkak të etjes dhe problemeve ushqimore.
Mungesa e ujit të pastër çoi gjithashtu në përhapjen e epidemive përmes migrimit./FolDrejt/
