Gjatë protestave në qytetin Bukan në veriperëndim të Iranit, 2 roje sigurie humbën jetën në “konflikt me persona të armatosur”.
Sipas lajmit të agjencisë zyrtare iraniane IRNA, gjatë protestave në qytetin Bukan në provincën e Azerbajxhanit Perëndimor mbrëmë ka pasur përleshje mes personave të armatosur dhe forcave të sigurisë, shkruan AA, transmeton Fol Drejt.
Si pasojë e përplasjes kanë humbur jetën dy roje të sigurisë.
IRNA raportoi se një kolonel u qëllua dhe u vra nga “rebelë të paidentifikuar” gjatë protestave të një dite më parë në Bukan.
– Protestat në Iran
Vdekja e 22-vjeçares Mahsa Amini, e cila ra në koma dhe u shtrua në spital më 13 shtator në Teheran, pasi u ndalua nga patrullat e Irshadit, të njohur si “Policia e moralit”, me arsyetimin se “nuk respektoi rregullat e shamisë”, vdiq më 16 shtator, gjë që shkaktoi protesta kundër qeverisë së vendit.
Edhe pse ka deklarata nga burime zyrtare se civilë dhe forca të sigurisë kanë humbur jetën në incidente, nuk ka informacion të qartë për numrin e të vdekurve.
Organizata iraniane për të drejtat e njeriut me seli në Norvegji njoftoi një ditë më parë se 342 persona humbën jetën në protesta dhe sipas lajmeve në mediat iraniane, më shumë se 50 roje sigurie kanë humbur jetën në protesta.
Së fundmi thuhet se 3 roje të sigurisë, njëri prej të cilëve nënkolonel, humbën jetën si pasojë e një sulmi me thikë gjatë protestave në qytetet Mashhad dhe Sanandaj mbrëmë./FolDrejt/