Të paktën dy persona humbën jetën dhe dhjetëra u plagosën në një tërmet të fuqishëm që goditi Japoninë mbrëmjen e së mërkurës, duke shkaktuar edhe paralajmërim për cunami.
Një tërmet me magnitudë 7.3 ballë goditi pjesën verilindore të Japonisë në orën 23:36 sipas kohës lokale të mërkurën, njoftoi Agjencia Meteorologjike të Japonisë.
Tërmeti ndodhi në brigjet e provincës Fukushima, 60 kilometra nën sipërfaqe, shkruan AA, transmeton Fol Drejt.
Agjencia lëshoi një paralajmërim për cunami pas tërmetit dhe paralajmëroi qytetarët për tërmete të një shkalle të ngjashme në zonat e goditura.
Rreth 160 persona u plagosën nga tërmeti ndërsa një tren i shpejtë doli nga shinat.
Agjencia japoneze për Menaxhimin e Zjarrit dhe Fatkeqësive tha se lëndimet u raportuan nga 12 provinca të vendit së bashku me dy vdekje nga provincat Miyagi dhe Fukushima, zonat më të goditura nga tërmeti, raportoi “Kyodo News”.
“Ne do të marrim të gjitha masat e mundshme për t’iu përgjigjur (katastrofës)”, tha sot kryeministri Fumio Kishida.
Kryesekretari i kabinetit, Hirokazu Matsuno tha se: “Nuk ka pasur probleme me sigurinë në termocentralet bërthamore në zonat e goditura nga tërmeti”.
