Kultura e mikpritjes së Këlnit për refugjatët tani ndodhet përballë një sprove. Në kohën kur numri i refugjatëve në gjithë Europën është reduktuar si pasojë e mbylljes së korridorit ballkanik, në këto kohë të ftohta dimri është rritur numri i refugjatëve në qytetin gjerman Këln. Plot 2700 persona kanë ardhur në këtë qytet javën e kaluar – kryesisht nga Shqipëria, Maqedonia dhe Serbia.
Rreth 11 mijë refugjatë jetojnë në kampet e refugjatëve, shkruan gazeta gjermane express.de. Autoritetet në Këln thonë se është histori vitet kur ky qytet u stabilizua nga fluksi i refugjatëve.
Këlni ka një ligj që secilit person nga Europa juglindore duhet ti ofrohet një kulm mbi kokë – pasi në të kundërt vlen si rrezik për sigurinë dhe rregullin publik, përcjell foldrejt.com.
Autoritetet gjermane nuk kanë dhënë akoma sqarim dhe po hetojnë sesi ka ardhur deri te ky fluks i ri i refugjatëve.
Por vlen edhe një detaj pikant: këto refugjatë nga Ballkani, nuk aplikojnë për azil, pasi kur fillon të ngrohet koha në pranverë, ata kthehen përsëri në vendet e origjinës.
“Këto persona gëzohen nga pastërtia, ngrohtësia, shërbimi i mirë shëndetësor që ofrohet në Këln në krahasim nga vendet nga kanë ardhur. Për ata, kjo është si një pushim ëndrrash. Andaj çdo vit vijnë me familjet drejt Këlnit. Ata e dëshirojnë këtë vend,” thotë një punëtor gjerman që angazhohet për ndihmën ndaj refugjatëve.
Një problem që është shfaqur në kampet është përzierja mes shqiptarëve dhe serbëve, që mundohet të shmanget sa më tepër që të jetë e mundur.
Kjo valë refugjatësh ballkanikë ka ndodhur edhe në 2017 kur erdhën 1700 sosh. Pra 1000 më pak sesa 2018.
Për 2019 Zyra për Emigracion në Këln ka kërkuar shtim për 2000 vende të reja. Nga kampet deri te apartamentet./Foldrejt.com
