Rreth orës 18:00 është raportuar për gjuajtje me arme afër rrugës “Emin Duraku”, në Prishtinë.
Lajmin e ka konfirmuar zëdhënësi i policisë, Daut Hoxha.
Hoxha thotë se dyshohet se gjuajtjes me armë i ka paraprirë një konflikt verbal mes disa personave dhe pastaj është dëgjuar një e shtënë.
“Njësitet relevante policore iu kanë përgjigjur informatës dhe kanë dale ne vendin e ngjarjes, ku edhe kanë gjetur një gëzhojë në lokacion, tha ai.
Tutje theksoi se veprime policore, përfshirë angazhimin e forenzikës dhe hetuesisë janë në proces për të identifikuar rrethanat tjera që mund ta karakterizojnë këtë rast dhe personat potencial të përfshirë në të.
“Pas këtyre procedurave për detaje tjera do te informoheni pas raportimeve shtesë nga kompetentët policor që po trajtojnë rastin”, shtoi Hoxha.
“Në këtë faze nuk ka pasur ndonjë raportim për ndonjë person të lënduar, por veprime operative hetimore janë ne proces dhe pas këtyre procedurave do të keni informacione shtese sipas raportimeve nga tereni”, tha në fund Hoxha.
