Lëvizja FOL ka publikuar raportin “Shkarkimi i paligjshëm i të punësuarve në sektorin publik – pasojat në buxhetin e shtetit”.
Ky raport përmban numrin e ankesave me ndërprerjen e marrëdhënieve të punës, numrin e kontesteve të punës janar-tetor 2021 dhe shuma e shpenzimeve të paguara nga ana e shtetit si rezultat i padive të krijuara pranë gjykatave të Kosovës.
Sipas këtij raporti gjatë periudhës 2019- 2021 janë bërë 128 ankesa nga shërbyesit civilë ndaj vendimeve të administratës qendrore (56 për qind), e 46 për qind në administratën lokale.
“109 konteste janë humbur nga institucionet shtetërore ndërkaq janë fituar 44 konteste, 9 janë aprovuar, 5 janë rikthyer në rigjykim, tri në rivendosje, një rast është hedhur poshtë për shkak të kompetencës”, ka thënë autorja e raportit Albana Hasani, shkruan Klankosova.tv
Për dhjetë muaj më shumë se 300 mijë euro, i kanë kushtuar buxhetit të shtetit shkarkimet e paligjshme nga puna në institucionet publike.
50 persona i kanë humbur kontestet e tyre me institucionet publike, kjo ka bërë që 120 mijë euro të fitohen nga institucionet e Kosovës.
“Institucionet që kanë humbur më shumë konteste është Komuna e Gllogocit me 65 , Agjencioni për Arsim dhe Aftësim Profesional me 13, Ministria e Arsimit 11.. ndërkaq institucionet që kanë fituar më shumë konteste janë Ministria e Punëve të Brendshme 16, Komuna e Gllogocit 14, Policia e Kosovës 9”, shtoi ajo.
