Që nga fillimi i pushtimit rus në shkallë të plotë të Ukrainës, 323 fëmijë konsiderohen të zhdukur, shkruan Ukrinform, përcjell Fol Drejt.
Këtë e ka bërë të ditur shërbimi për shtyp i Avokatit të Popullit përmes një postimi në Facebook, duke iu referuar portalit shtetëror ‘Fëmijët e Luftës’ për gjetjen e fëmijëve të zhdukur.
“Të dhënat për fëmijët e prekur deri më 24 nëntor 2022: 323 – të zhdukur, 11,461 – të dëbuar, 7,718 – të gjetur”, tha Zyra e Avokatit të Popullit.
Sipas informacionit të dhënë nga prokurorët për të mitur, 440 fëmijë u vranë dhe më shumë se 847 morën lëndime të shkallëve të ndryshme si rezultat i agresionit të armatosur në shkallë të plotë të Rusisë. /FolDrejt/
