15 persona janë raportuar të vdekur, 11 prej të cilëve fëmijë – 9 fëmijë të tjerë janë në terapi intensive.
Sulmuesi 34-vjeçar në shkollën Izhevsk në Udmurtia ishte diagnostikuar me skizofreni dhe ishte nën vëzhgim psikiatrik, tha ministri rus i Arsimit Sergei Kravtsov. “U konstatua se ai ishte tashmë në regjistrin psikiatrik, i cili vuante nga skizofrenia. Ai arriti të vriste një roje sigurie dhe të hynte në shkollë, “tha Kravtsov për gjakderdhjen në shkollën ruse, shkruan protothema, transmeton Fol Drejt.
Si pasojë e tërbimit vrastar të 34-vjeçarit maturant të kësaj shkolle, mbetën të vrarë 15 persona, 11 prej tyre nxënës, ndërsa 24 të tjerë, mes tyre 22 fëmijë, u plagosën.
Pasditen e së hënës u bë e ditur se 9 nga fëmijët e plagosur po trajtohen në reanimacion. “Në klinikë janë 18 pacientë, 16 fëmijë, dy të rritur. Nga 16 fëmijët, nëntë janë në reanimacion në gjendje të rëndë ”, tha kryemjeku i spitalit ku u dërguan të plagosurit.
Presidenti rus, Vladimir Putin, e quajti incidentin e të shtënave në një shkollë në Izhevsk një ” akt çnjerëzor terrorizmi ” . ” Presidenti vajton thellësisht vdekjen e njerëzve dhe fëmijëve në këtë shkollë ku ndodhi një akt terrorist ,” u tha gazetarëve zëdhënësi i Kremlinit Dmitry Peskov, ndërsa sulmuesi kishte veshur një bluzë të zezë me simbolin nazist, svastika. Zëdhënësi i Kremlinit tha se mjekë, psikologë dhe neurokirurgë ishin dërguar me urdhër të Putinit në vendin e ngjarjes në Izhevsk, që ndodhet rreth 970 km në lindje të Moskës. ”
Presidenti u uron shërim të shpejtë të plagosurve në këtë sulm çnjerëzor ”, shtoi ai./FolDrejt/
