Për shkak të motit me shi, katër aksidente trafiku kanë ndodhur gjatë ditës së sotme në rrugën Prishtinë-Pejë, njofton Policia e Kosovës.
Sipas policisë, në njërin aksident i cili ka ndodhur në fshatin Koreticë, e ku janë përfshirë dy kamionë, nuk ka persona të lënduar.
“Në ora13:00, policia është njoftuar për një aksident trafiku mes dy kamionëve të ndodhur në rrugën nacionale Prishtinë-Pejë (fshati Koreticë). Në këtë aksident nuk ka persona të lënduar”, tha për Telegrafin zëdhënësi i policisë, Bajram Krasniqi, transmeton Fol Drejt.
Tutje, ai ka bërë të ditur se në afërsi kanë ndodhur edhe tri aksidente tjera.
“Në njërin nga aksidentet, katër persona kanë kërkuar ndihmë mjekësore. Policia është marrë me këto raste”, ka thënë tutje Krasniqi.
