Bazuar në përbërjet e skuadrave që marrin pjesë në tri kompeticionet më prestigjioze të kontinentit të vjetër, janë 55 lojtarë shqiptarë që do të luajnë për sezonën 2023-2024. Përveç 25 heronjve të Ballkanit, janë edhe 30 lojtarë të tjerë që do të luajnë me ekipet e tyre në ngjarjet më të mëdha të futbollit europian: Ligën e Kampionëve, Europa Ligën dhe Ligën e Konferencës.
Shkruan: Gëzim Olluri
25 lojtarëve të Ballkanit nga Theranda të cilët do të luajnë në Ligën e Konferencës, do t’iu bashkohen edhe 30 futbollistë të tjerë shqiptarë në skenën e futbollit europian këtë edicion. Në Ligën e Kampionëve pritet të lënë gjurmë 8 talentë shqiptarë, 11 do të prezantohen në Europa Ligë dhe 36 do të marrin pjesë në Ligën e Konferencës, shkruan Fol Drejt.
Nga listimi përmbledhës del se 18 prej tyre i mbrojnë ngjyrat e fanellës së Shqipërisë, ndërsa 25 atë të Kosovës. Veç Shqipërisë e Kosovës, 7 lojtarë e përfaqësojnë Kombëtaren e Zvicrrës, 2 atë të Austrisë, 1 të Norvegjisë, 1 të Gjermanisë, si dhe 1 atë të Finlandës. Nga të gjitha përballjet, veçohen ato të Amir Rrahmanit, Arbnor Mujës, Kastriot Imerit e Donat Rrudhanit.
Amir Rrahmani me Napolin do t’i kenë dy përballjet kryesore me Real Madridin në taborin e Grupit C, kurse Arbnor Muja me Royal Antwerpin do t’i luajnë dy super ndeshje kundër Barcelonës në kuadër të Grupit H. Kastriot Imeri e Donat Rrudhani me skuadrën zvicerrane Young Boys, nga radhët e Grupit C, do ta testojnë dy herë kampionin aktual anglez dhe europian, Manchester Cityn.
Nga të gjitha lojërat e fazës grupore në garën më të madhe, atë të Ligës së Kampionëve, pritet t’i kemi edhe katër përballje mes lojtarëve tanë. Në Grupin D, Kristjan Asllani me Interin do të luaj kundër Dijon Kamerit që aktivizohet me Salzburgun, derisa në Grupin E, Elseid Hysaj me Lacion do të ndeshet kundër Albian Ajetit i cili angazhohet për skuadrën e Skocisë, Celltik.
Më poshtë mund t’i lexoni emrat, klubet ku aktivizohen dhe ngjyrat e reprezentacioneve që ata i mbrojnë në nivel shtetëror e kombëtar:
Liga e Kampionëve
Amir Rrahmani: Napoli, Kosovë
Arbnor Muja: Royal Antwerp, Shqipëri
Elsedi Hysaj: Lacio, Shqipëri
Kristjan Asllani: Inter, Shqipëri
Donat Rrudhani: Young Boys, Kosovë
Kastriot Imeri: Young Boys, Zvicër
Albian Ajeti: Celltik, Zvicër
Dijon Kameri: Salzburg, Austri
Europa Liga
Granit Xhaka: Leverkusen, Zvicër
Andi Zeqiri: Brighton, Zvicër
Qazim Laci: Sparta Praga, Shqipëri
Berat Gjimshiti: Atalanta, Shqipëri
Enis Cokaj: Panatenajk, Shqipëri
Leandro Frroku: Panatenajk, Shqipëri
Marash Kumbulla: Roma, Shqipëri
Redon Xhixha: Qarabag, Shqipëri
Leo Besson: Servette, Kosovë
Veton Berisha: Molde, Norvegji
Vesel Demaku: Sturm Graz, Austri
Liga e Konferencës
Enea Koliçi: Ballkani, Shqipëri
Andrea Hoxha: Ballkani, Shqipëri
Armend Thaçi: Ballkani, Kosovë
Arber Potoku: Ballkani, Kosovë
Gentrit Halili: Ballkani, Kosovë
Lumbardh Dellova: Ballkani, Kosovë
Albin Kapra: Ballkani, Kosovë
Bajram Jashanica: Ballkani, Kosovë
Leotrim Bekteshi: Ballkani, Kosovë
Marsel Ismajlgeci: Ballkani, Shqipëri
Lindon Emërllahu: Ballkani, Kosovë
Nazmi Gripshi: Ballkani, Shqipëri
Qendrim Zyba: Ballkani, Kosovë
Leonard Shala: Ballkani, Kosovë
Lorenc Trashi: Ballkani, Shqipëri
Ramush Ramadani: Ballkani, Kosovë
Arbnor Halitjaha: Ballkani, Kosovë
Bleart Tolaj: Ballkani – Kosovë
Leonit Abazi: Ballkani, Shqipëri
Vesel Limaj: Ballkani, Gjermani
Edi Maksutaj: Ballkani, Kosovë
Veton Tusha: Ballkani, Kosovë
Albin Berisha: Ballkani, Kosovë
Almir Kryeziu: Ballkani, Kosovë
Arb Manaj: Ballkani, Kosovë
Jurgen Celhaka: L. Warshava, Shqipëri
Ernest Muci: L. Warshava, Shqipëri
Simon Simoni: E. Frankfurt, Shqipëri
Milot Rashica: Beshiktash, Kosovë
Edon Zhegrova: Lille, Kosovë
Kreshnik Hajrizi: Lugano, Kosovë
Uran Bislimi: Lugano, Kosovë
Albian Hajdari: Lugano, Zvicër
Amir Saipi: Lugano, Zvicër
Shkelqim Vladi: Lugano, Zvicër
Perparim Hetemaj: Helsinki, Finlandë.
Kujtojmë që Ballkani e ka shkruar historinë e futbollit kosovar, duke u bërë skuadra e vetme nga Kosova që dy herë radhazi e siguron biletën për në fazën grupore të ndonjë gare europiane. Ballkani do të garojë në Grupin C kundër Dinamo Zagrebit nga Kroacia, kundër Viktoria Plzenit nga Çekia dhe kundër Astanës nga Kazakistani./FolDrejt/
