Gjashtë milionë euro u zhdukën nga kompania e transportit të parave Prosegur në Potsdam, kryeqyteti i shtetit federal gjerman të Brandenburgut.
Grabitja ka ndodhur më 2 shtator dhe është kryer nga një punonjëse e kompanisë që kishte një plan kaq të thjeshtë grabitjeje, raporton revista Fenix, përcjell Fol Drejt.
Një punonjëse e kompanisë së transportit të parave Prosegur thjesht doli nga ambientet e kompanisë, duke mbajtur thasë plehrash me para.
Gjegjësisht, siç raporton policia, gjatë turnit të saj, gruaja ka hapur me qetësi kasafortat me para me çelësin kryesor dhe ka futur tufa me para në thasë plehrash. Më pas ajo u largua nga kompania me qeset e plehrave. E gjithë kjo u pa më vonë në videon e kamerës së vëzhgimit.
Gruaja la aq pak gjurmë, saqë edhe të nesërmen askush nuk vuri re se mungonin edhe gjashtë milionë euro.
Ndihmësja e gruas është arrestuar të enjten, por ajo është në arrati dhe policia është ende në kërkim të saj./FolDrejt/
