Më herët kryeministri i Shqipërisë Edi Rama njoftoi se është hapur portali ku të gjithë studentët ekselentë mund të aplikojnë për të filluar punë në administratë.
Departamenti i Administratës Publike sot ka treguar se si do të jenë të ndara 803 vendet e lira të punës për studentët shqiptarë.
Pozicionet vakante për 803 vendet e punës sipas vendbanimit do të jenë përkatësisht: 19 vende vakante në Qarkun e Beratit, 9 vende vakante në Qarkun e Dibrës dhe 45 vende vakante në Qarkun e Durrësit.
Duke vazhduar më tej me 35 pozicione të lira në Qarkun e Elbasanit, 50 vende punë të lira në Qarkun e Fierit , 12 vende të lira në Qarkun e Gjirokastrës dhe 39 pozicione të lira në Qarkun e Korçës.
Në Qarkun e Kukësit pozicionet vakante sipas lajmërimit të DAP do të jenë 24, pasur nga Qarku i Lezhës me 15 vende pune të lira dhe Qarku i Shkodrës me 67 vende të lira.
Sipas njoftimit në Tiranë do të jenë plot 440 vende pune të lira për studentët ndërsa në Qarkun e Vlorës do të jenë të lira 48 vende pune.
Më poshtë gjeni edhe hartën me sqarimet përkatëse.
