Ekziston një konsensus shkencor në të gjithë botën se vaksinimi gjatë agjërimit nuk e prishë agjërimin në muajin e Ramazanit.
Ndërsa muaji i Ramazanit fillon më 13 prill, shumë myslimanë kanë filluar të pyesin nëse mund të bëjnë vaksinën Covid-19 ndërsa mbajnë agjërimin. Një numër i madh i vendeve kanë nisur fushatat e vaksinimit globalisht për të luftuar pandeminë dhe ata do të vazhdojnë të inokulojnë qytetarët e tyre pavarësisht Ramazanit.
Dijetarët islamik thonë se: “Nuk ka asnjë vitaminë ushqyese ose substancë ushqimore në asnjë vaksinë, përfshirë vaksinën Covid-19. Injektimi i një gjëje të tillë në trup nuk e prish agjërimin”, i tha Idris Bozkurt, një zyrtar i lartë i Drejtorisë së Çështjeve Fetare Turke (Diyanet), agjencisë turke të lajmeve Anadolu Agency.
Gjatë Ramazanit, myslimanët nuk mund të hanë, pinë ose të kryejnë marrëdhënie seksuale nga agimi deri në muzg.
Prof. Dr. Ahmet Yaman, i cili jep mësim në Fakultetin e Teologjisë në Universitetin Necmettin Erbakan, shpjegoi perspektivën Islame mbi agjërimin dhe vaksinimin. Yaman citoi një nga thëniet e Profetit Muhamed, i cili thotë “Nëse dëgjoni për një shpërthim murtaje në një vend, mos hyni në të; por nëse murtaja shpërthen në një vend kur ju jeni aty, mos u largoni nga ai vend”.
Yaman tha se Islami vë një theks të veçantë në marrjen e masave që parandalojnë sëmundjet ngjitëse. Yaman thirri një tjetër nga thëniet e Profetit Muhamed, “Trajtohuni sepse Allahu gjithashtu ka krijuar një kurë për çdo sëmundje”.
Yaman tha se vaksinat e krijuara për COVID-19 duhet të shihen në kontekstin e Haditheve (thëniet e Profetit). Ata që vendosin të mos e bëjnë vaksinën, tha ai, po shkelin edhe të drejtat e të gjithë shoqërisë dhe njerëzimit.
“Agjërimi mund të prishet vetëm duke ngrënë dhe pirë dhe marrëdhënie seksuale. Vaksina Covid-19 nuk e prish agjërimin sepse nuk nënkupton marrjen e ushqimit ose vitaminës nga jashtë”.
