Profeti Muhamed i këshilloi besimtarët që të konsumojnë hurma, veçanërisht gjatë muajit të Ramazanit. A e dini pse e tha këtë?
Sepse ato janë jashtëzakonisht të dobishme për shëndetin tonë. Vetëm disa nga vetitë e tyre pozitive janë: janë të pasura me hekur, përmirësojnë shëndetin e zemrës, ulin presionin e gjakut dhe kolesterolin, qetësojnë zorrët…
“Kur ndonjëri prej jush dëshiron ta prishë agjërimin, le të hajë një hurmë, sepse në hurmë ka bereqet, e nëse nuk gjen hurmë, le të pijë ujë sepse uji pastron”, ka thënë Pejgamberi (hadith i transmetuar nga Ebu Davudi).
Një tjetër fakt interesant lidhur me hurmat është ndikimi i tyre tek gratë shtatzëna. Domethënë, lehtësojnë dhe përshpejtojnë lindjen natyrale. Nëse hani hurma, do të reduktoni nevojën e trupit tuaj për ushqime të tjera, pra do të jeni më të ngopur për më gjatë.
“Kush ha shtatë hurma të thata në mëngjes, atë ditë nuk mund ta dëmtojë asnjë magji apo helm”, ka thënë gjithashtu Profeti (hadith i transmetuar nga Ebu Davudi).
Me siguri po pyesni veten pse përmendet numri shtatë. Përkatësisht, shtatë hurma peshojnë afërsisht 70 gram, që përfaqëson një sasi të mjaftueshme të mineraleve, kripërave dhe vitaminave të ndryshme të nevojshme për organizmin. Kjo sasi është e mjaftueshme për të pastruar trupin nga helmet e grumbulluara në qeliza, pra metalet e rënda. /FolDrejt/
