Ka përfunduar edhe raundi i dytë i takimit trepalësh ndërmjet Kryeministrit të Kosovës Albin Kurti, presidentit të Serbisë Aleksandër Vuçiq, nën ndërmjetësimin e të angazhuarve evropianë: Josep Borrell e Miroslav Lajçak, transmeton Fol Drejt.
Mediat në Beograd thonë se as ky raund, nuk solli rezultate.
Drejtori i të ashtuquajturës Zyra për Kosovën në Qeverinë e Serbisë, Petar Petkoviq, ka thënë se Vuçiq do të vazhdojë të qëndrojë në Bruksel edhe pas përfundimit të takimit.
Petar Petkoviq, iu drejtua gazetarëve dhe njoftoi se askush nga delegacioni nuk do të flasë sot. Ai ka theksuar se Vuçiq do të qëndrojë në Bruksel edhe për një kohë, ndërsa publikut do t’i drejtohet nesër gjatë ditës ose në mbrëmje, e cila, siç tha, do të jetë e vetmja nga fjalimet e tij më të rëndësishme.
“Ne menduam se ishte e mundur të arrihet një kompromis. Askush nga delegacioni serb nuk do të flas. Është e rëndësishme që ne luftuam për paqe, stabilitet dhe zgjidhje kompromisi dhe kjo është arsyeja pse Presidenti Vuçiq do të qëndrojë në Bruksel për një kohë. Nesër, Pas kthimit në Beograd, presidenti Vuçiq do t’i drejtohet publikut dhe do të jetë një nga fjalimet e tij më domethënëse publike ”, tha Petkoviq.
Nga ana tjetër, ende nuk ka deklarime zyrtare nga palët./FolDrejt/
