Me Ukrainën dhe Rusinë që së bashku përbëjnë 80% të eksporteve globale të vajit të lulediellit, shumë vende evropiane, përfshirë Gjermaninë, panë rënie të stoqeve të tyre pas pushtimit rus.
Një sallë birre në Mynih ka shpikur një mënyrë inovative për t’u përballur me mungesën e vajit të gatimit në Evropë: i lejon klientët e saj të paguajnë birrën e tyre me… vaj luledielli për t’u siguruar që ka rezerva të mjaftueshme për të skuqur schnitzel, shkruan protothema, transmeton Fol Drejt.
“Kjo ndodhi sepse sapo na mbaroi vaji në kuzhinë dhe duhej të bëheshim kreativ,” tha menaxheri i fabrikës së birrës Eric Hoffman.
Pas pushtimit të Ukrainës nga Rusia, pati mungesa të vajit të lulediellit në raftet e supermarketeve. Madje disa prej tyre e shisnin me “biletë”, duke i lejuar çdo klienti të blinte një sasi të caktuar në mënyrë që të ishte e mjaftueshme për të gjithë.
Moritz Baller bleu 80 litra vaj luledielli kur ishte në Ukrainë, në një udhëtim për të ofruar ndihma humanitare. Më pas ai e këmbeu produktin me tetë kuti birre për festën e tij të ditëlindjes. “Kjo fushatë është perfekte. Ne mund të blejmë birrë të lirë dhe të ndihmojmë në të njëjtën kohë fabrikën e birrës Giesinger,” shpjegoi ai./FolDrejt/
