Shefi i grupit parlamentar i Aleancës për Ardhmërinë e Kosovës (AAK), Besnik Tahiri, ka thënë se ligji për Trustin duhet të vijë sa më shpejt në Kuvend.
Tahiri në pjesën e deklarimeve jashtë rendit të ditës, ka thënë se Qeveria e Kosovës nuk synon ta ngris pagën minimale, por ta neglizhojë atë. Ai shtoi se asnjë person që punon në sektorin privat s’ka arritur të marrë pagesën prej 100 euro të premtuara nga Qeveria.
Ai e ka fajësuar qeverinë për keqmenaxhim të krizave ekonomike.
“Vendimi i fundit i Apelit vërtëton se kauza jonë, kërkesa jonë për të mos ngritur tarifat, kërkesat ndaj ZRrE-së që të mos veprojë me ngritje të rrymës, vërtetoi që është e saktë dhe e drejt. Një dëm jashtëzakonisht i madh, kemi ndarë 100 milionë nga buxheti i Kosovës që ka mundur të shkojnë në investime kapitale. Cili do të jetë veprimi i kthimit të parave të qytetarëve dhe cila do të jetë tarifa ligjore kushtetuese që vjen pastaj. E dya në mirëqenien e qytetarëve, me Ligjin e Pagave, Pagën Minimale dhe Trustin.”
Tahiri iu ka referuar pakënaqësive të nënpunësve të sektorëve të ndryshëm, duke iu referuar edhe protestës që do të mbahet nesër nga mësimdhënësit:
“Ligji i pagave s’vjen në kuvend, nesër ka greva për kërkesën e Ligjit të Pagave. 81 mijë kërkojnë nga Qeveria që të ketë veprim, s’ka asnjë veprim, s’ka shpjegim e as dritë në fund të tunelit. Te Paga Minimale ka treguar Qeveria se nuk synon ta ngrit atë, por ta zhagit këtë proces. Asnjë person që punon në sektorin privat s’ka arritur të marrë pagesën prej 100 euro. Dhe e fundit lidhet me Trustin. Është bllokuar Trusti. Është shumë me rëndësi që sa më shpejt ky ligj të vjen në Kuvend dhe paratë e qytetarëve të kalojnë tek ata”, u shpreh Tahiri./FolDrejt/
