Milani njoftoi se nuk ka pasur ‘asnjë rast pozitiv të COVID-19’ te lojtarët dhe stafi, pasi komentet e Presidentit Paolo Scaroni shkaktuan konfuzion.
“Ne kemi disa lojtarë të infektuar qe po shërohen, ashtu si Maldini dhe djali i tij tani po shkojnë mirë,” tha Presidenti i klubit.
“Milanello është i hapur dhe ne kemi filluar përsëri stërvitjen, duke mbajtur distancën tonë. Ne po bëjmë hapa drejt rifillimit. ”
Dihej tashmë që drejtori Paolo Maldini dhe djali i tij, mesfushori Daniel, kishin rezultuar pozitivisht me koronavirus, ky koment bëri që disa të mendojnë se kishte pasur raste të tjera.
“AC Milan njofton se, bazuar në testet mjekësore të kryera deri më tani si për lojtarët e ekipit të parë, ashtu edhe për stafin, nuk ka pasur ndonjë rast pozitiv të Covid-19,” lexohet në një deklaratë të lëshuar këtë pasdite.
“Ekipi do të vazhdojë programet e tyre të trajnimit individual në Milano. Të gjitha ekzaminimet e duhura mjekësore do të përfundojnë për të gjithë lojtarët në dispozicion të trajnerit në ditët në vijim. “
