Administrata Biden po lejon mijëra ukrainas që u larguan nga atdheu i tyre kur Rusia pushtoi një vit më parë, të qëndrojnë në Shtetet e Bashkuara më gjatë, ka thënë administrata, njofton Al Jazeera, transmeton Fol Drejt.
Vendimi ofron lehtësim për ukrainasit, autorizimi njëvjeçar i të cilëve për të qëndruar në SHBA u skadon së shpejti.
Departamenti i Sigurisë Kombëtare tha se zgjatja është për shtetas të caktuar ukrainas dhe anëtarët e familjes së tyre të afërt, të cilët u lejuan në SHBA përpara se të fillonte programi Bashkim për Ukrainën.
Ukrainasit që erdhën nën programin “Uniting for Ukraine” në përgjithësi morën dy vjet “lirim me kusht” humanitar në SHBA, ndërsa ata që erdhën para tyre në përgjithësi morën leje për të qëndruar vetëm për një vit./FolDrejt/
