MIT më 6 gusht në rajonin Al-Qamishli të Sirisë neutralizoi terroristin me origjinë iraniane Yusif Mehmud Rebani me emrin e koduar “Rezan Cavit”, të ashtuquajturin drejtues të rajonit Amudah-Dahbasiyah të organizatës terroriste PKK/YPG
Agjencia Kombëtare e Inteligjencës së Türkiye-s (MIT) në një operacion më 6 gusht në rajonin Al-Qamishli të Sirisë neutralizoi terroristin me origjinë iraniane Yusif Mehmud Rebani me emrin e koduar “Rezan Cavit”, të ashtuquajturin drejtues të rajonit Amudah-Dahbasiyah të organizatës terroriste PKK/YPG, shkruan AA, transmeton Fol Drejt.
Sipas informacioneve të marra, MIT mësoi se në Siri ndodhej terroristi Rebani i cili ka dhënë urdhrin e sulmit kundër Forcave të Armatosura Turke në periudhën kur ishte i ashtuquajtur përgjegjës i PKK-së për rajonin Haftanin.
Pas thellimit të kërkimeve, MIT realizoi operacionin duke neutralizuar bashkë me terroristin Rebani edhe terroristin Mazlum Esat me emrin e koduar “Ruhaz Amude” të ashtuquajturn përgjegjës i përgjithshëm i fortifikimit të rajonit Amudah-Dahbasiyah.
Ekipi që mori pjesë në operacion, më pas u kthye në mënyrë të sigurt në Türkiye.
– Ka kryer detyrë edhe në PJAK, krahu i PKK-së në Iran
Terroristi Rebani iu bashkua PKK-së në vitet 1990 dhe është përcaktuar se ai në vitin 2010 ka kryer detyrën si përgjegjës në “Komitetin Koordinues” të organizatës, të ashtuquajtur organi më i lartë ekzekutiv i PJAK, krahut të PKK-së në Iran.
Pas konferencës së organizatës të mbajtur në vitin 2014 në rajonin Kandil të Irakut, Rebani u zgjodh si bashkëkryetar themelues i Kongresit të Lirisë dhe Demokratik të Kurdistanit Lindor dhe në po të njëjtin vit ai u përfshi në mesin e anëtarëve themelues të Këshillit Ushtarak HPG, krahut të armatosur të PKK-së.
I ngarkuar me detyrë si përgjegjës për të ashtuquajturën HPG Haftanin i cili kishte rëndësi strategjike përpara operacioneve “Kthetra” në vitin 2018, terroristi organizoi shumë akte kundër TSK-së gjatë aktiviteteve të tij terroriste në Haftanin.
Në vitin 2021 terroristi Rebani, ishte emëruar si i ashtuquajturi përgjegjës rajonal në rajonin Amudah-Al-Darbasiyah, që ndodhet në kufi me rajonin Rasulayn që u pastrua nga terroristët me operacionin “Burimi i Paqes”.
