Sot rreth orës 16:20 në rrugën nacionale Mitrovicë-Prishtinë, më konkretisht në fshatin Debërllukë të Vushtrrisë, ka ndodhur një aksident trafiku, me ç’rast tre persona kanë marrë lëndime trupore.
Lajmin për Klan Kosova e ka konfirmuar zyrtari i Policisë për Informim, Avni Zaiti.
“Aksident trafiku me lëndime i ndodhur rreth orës 16:20, në rrugën nacionale Mitrovicë-Prishtinë, segmenti rrugor në fshatin Debërllukë të Vushtrrisë, nga hetimet fillestare bëhet e ditur se në aksident janë përfshirë një veturë dhe një kamion. Si pasojë e aksidentit tre persona kanë pësuar lëndime të njëjtit janë dërguar për tretman mjekësor”.
