Ministri i Financave, Punës dhe Transfereve – Hekuran Murati, ka qenë shpesh në qendër të vëmendjes për vitin 2022, shkruan Fol Drejt.
Shpesh për shkak të deklaratave të tij, ndonjëherë edhe duke u kritikuar për paaftësi në menaxhim të financave publike, e ndonjëherë për lajmet e mira që ai thoshte se po ua jepte qytetarëve të Kosovës, si në rastet e pakove financiare.
Nga 6 janari i vitit 2022, kur ai së bashku me Drejtorin e Doganave – Agron Llugaliu mbajti një konferencë për media dhe më pas, bashkë me Kryeministrin Albin Kurti dhe Ministren e Ekonomisë Artane Rizvanolli, ai nuk i ka pushuar aktivitetet e ngjeshura.
Më 12 janar ai mbanë konferencën e parë për media.
Më 19 janar, përsëri së bashku me Kryeministrin Albin Kurti, Ministren Artane Rizvanolli, ata vizitojnë Agjencinë Kosovare të Privatizimit.
Po me 19 janar, ndërsa Administrata Tatimore e Kosovës mbajti ceremoninë e themelimit me rastin e 22 vjetorit, mori pjesë edhe Ministri Murati bashkë me drejtues nga odat ekonomike, përfaqësues nga institucionet ndërkombëtare, si dhe përfaqësues nga organizatat e kontabilitetit.
Më 12 prill Ministri Murati mbanë konferencën e radhës për media, ku tregon për “rishikim të buxhetit”, duke shtëlluar më tutje se ishin krizat ato që e shtynë qeverinë, përkatësisht ministrinë ta marr këtë vendim.
Më 23 maj mbanë konferencën e radhës për media.
Më 29 maj mbanë konferencën e radhës për media ku ndër të tjera tregon për disa premtime elektorale të përmbushura, siç është rasti i shtimit të asistentëve për fëmijët me nevoja të veçanta.
Më 7 qershor ai raporton para Komisionit për Shëndetësi dhe Mirëqenie Sociale lidhur më masat e veçanta dhe aktivitetet e Ministrisë në fushën e mirëqenies sociale.
Më 6 korrik Partia Social Demokrate (PSD), proteston me kërkesën më dorëheqje të Ministrit Hekuran Murati, për shkak të deklaratave të tij për veteranët e UÇK-së.
Më 18 korrik ministri Murati mbanë konferencën e radhës për media ku ndër të tjera flet edhe për reformën e skemave sociale.
Më 22 korrik ai paraqitet para Komisionit Hetimor Parlamentar, ku pyetet në lidhje me menaxhimin e krizës energjetike.
Më 12 gusht ai me Kryeministrin Kurti vizitojnë Doganën e Kosovës. Në të njëjtën ditë vizitojnë edhe disa kompani të tjera private.
Më 29 gusht mbanë konferencën e radhës për media.
Më 13 shtator bashkë me Kryeministrin Kurti dhe Ministren e Arsimit, Shkencës, Teknologjisë dhe Inovacionit Arbërie Nagavci, mbajnë konferencë për media.
Më 23 shtator ftohet nga Komisioni për Arsim, Shkencë, Teknologji, Inovacion, KulturÑ‘, Rini dhe Sport për të diskutuar lidhur me grevën e përgjithshme në arsim, bashkë me ministren e Arsimit, Arbërie Nagavci dhe krytarin e SBASHK, Rrahman Jasharaj.
Më 24 shtator me qëllim të koordinimit ndër-institucional mes Qeverisë dhe Pushtetit Lokal merr pjesë në takimin e përbashkët me Kryeministrin, Albin Kurti, Ministrin e Pushtetit Lokal, Elbert Krasniqi, Ministren e Ekonomisë, Artane Rizvanolli dhe Kryetarët e Komunave, ku është diskutuar rreth performancës buxhetore të komunave.
Më 30 shtator ftohet sërish nga Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës.
Më 4 tetor ministri Murati së bashku me Ministren e Financave dhe Ekonomisë të Shqipërisë Delina Ibrahimaj, Drejtorin e Përgjithshëm të Doganave të Kosovës Agron Llugaliu dhe Doganës së Shqipërisë Genti Gazheli inspektojnë punët në hapësirat e përbashkëta të Portit të Durrësit.
Më 11 tetor Murati dhe Auditorja e Përgjithshme e ZKA-së, znj Vlora Spanca raportojnë para Komisionit për Mbikëqyrjen e Financave Publike lidhur me raportin e Auditorit të Përgjithshëm për Raportn Vjetor Financiar të Buxhetit të Republikës së Kosovës për vitin 2021.
Më 26 tetor Kryeministri Kurti bashkë me ministrin Murati marrin pjesë në ditën e dytë të punëtorisë ndërkombëtare, që organizohet për herë të parë në Kosovë nga CEF Qendra e Ekselencës Financiare, Slloveni, në bashkëpunim me Fondin Monetar Ndërkombëtar, Administratën Tatimore të Kosovës dhe Administratën Tatimore të Holandës.
Më 4 nëntor ministri Murati dhe udhëheqësi i Misionit të FMN-së, Gabriel Di Bella mbajnë konferencë për media me rastin e përfundimit të vizitës së misionit të Fondit Monetar Ndërkombëtar në Kosovë.
Më 22 nëntor ai bashkë me ministrat Donika Gërvalla-Schwarz, Arbërie Nagavci, Rozeta Hajdari dhe Hajrulla Çeku marrin pjesë në konferencën për Rininë me moton Drejt një politike kombëtare. Në të njëjtën ditë, ai bashkë me Kryeministrin Kurti dhe Ministrin e Pushtetit Lokal, Elbert Krasniqi, prezantojnë Buxhetin për vitin 2023 para qytetarëve të komunës së Prizrenit.
Më 4 dhjetor ai së bashku me Kryeministrin e Kosovës Albin Kurti dhe Ministrin e Administrimit të Pushtetit Lokal, Elbert Krasniqi, prezantojnë buxhetin për vitin 2023 para qytetarëve të Komunës së Gjakovës.
Më 6 dhjetor së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës.
Më 8 dhjetor ai së bashku me Ministren e Arsimit, Shkencës, Teknologjisë dhe Inovacionit, Arbërie Nagavci, prezantojnë buxhetin për vitin 2023 para qytetarëve të Komunës së Gjilanit.
Më 14 dhjetor ai mori pjesë në Konferencën hapëse me rastin e lansimit të fushatës “Punë e Denjë për Jetë të Dinjitetshme”.
Kështu, me rastin e miratimit të Projektligjit të Buxhetit për vitin2023, ai parashikoi rritje ekonomike prej 3.8 deri në 4.1%./FolDrejt/
