Tomor Alizoti e ka komentuar vizitën e Edi Ramës në Kosovë, përkatësisht, turin e tij në vendet ballkanike, shkruan Fol Drejt.
Sipas Alizotit, media në Shqipëri dhe Kosovë u fokusuan vetëm te një element, duke u përqendruar, literalisht, vetëm në një element teknik: takimin ndërmjet dy kryeministrat shqiptarë.
Ai e ka cilësuar si diletant politik:
“Ju në Kosovë e shihni si kryeministër. Ne në Tiranë e shohim pak edhe si karagjoz!” – Ka thënë ai.
Alizoti ka thënë se, interesat e shqiptarëve në Ballkan, nevojën për një politikë të jashtme më serioze e të fortë, fuqizimin ekonomik e ushtarak.
“Për çfarë e merr Rama turin në Ballkan? Shqipëria është një vend gati 3 milionë banorë. Është më i varfëri në Evropë. Shqipëria ka 500 mijë shqiptarë që janë emigrantë ekonomik në Greqi…ky kryeministër i këtij vendi për çfarë e bën turin Ballkanik? Për çfarë e merr këtë tur? Për të thënë që Edi Rama është djalë me seksi në Ballkan? E ktheva në humor për të theksuar se kështu funksionon politika në këtë vend”, ka thënë Alizoti.
Alizoti e ka komentuar edhe çështjen e draftit për Asociacionin e komunave me shumicë serbe në Kosovë, i sponsorizuar nga Tirana zyrtare. Sipas tij, në 100 vjet shtet, nuk ka dalë as edhe një politikan shqiptar ta ketë bërë një gjë të tillë:
“Nuk i dorëzohet një kancelari një punim shkencor mbi marrëdhëniet gjeopolitike në Ballkan. Ky është diletantizëm politik që e bën vetëm Rama me çorapet e kuqe!”
“Na ka gjetur belaja sepse na ka ikur një njeri nga cirku, një dem nga cirku, na çmendi ne, po iu çmend juve, është duke e çmendur edhe botën!” – ka thënë në fund ai me sarkazëm.
Edi Rama nisi turin ballkanik ditën e djeshme, duke e vizituar fillimisht Shkupin e më pas edhe Prishtinën, për të vazhduar sot me Sarajevën, Podgoricën dhe për të përfunduar në Beograd./FolDrejt/
