Të enjten, ambasada amerikane u bëri thirrje qytetarëve të saj që të largohen urgjentisht nga Ukraina për shkak të situatës jashtëzakonisht të paqëndrueshme të sigurisë në vend. Ajo u bëri thirrje njerëzve të shmangin tubimet që mund të jenë në shënjestër të një sulmi rus në të gjithë vendin, përfshirë Ukrainën perëndimore.
“Situata e sigurisë në të gjithë Ukrainën është shumë e paqëndrueshme dhe kushtet mund të përkeqësohen pa paralajmërim. Qytetarët amerikanë duhet të qëndrojnë vigjilentë dhe të ndërmarrin hapat e duhur për të rritur ndërgjegjësimin e tyre për sigurinë”, theksohet në komunikatë, shkruan tvpworld, transmeton Fol Drejt.
Ambasada e SHBA-së listoi gjithashtu veprimet parandaluese që duhet të ndërmarrë një qytetar amerikan për të qenë i sigurt në vend. Veprimet përfshijnë vizitën e ambasadës së SHBA-së në Kiev dhe sigurimin e dokumenteve të udhëtimit të vlefshme dhe lehtësisht të aksesueshme, monitorimin e faqeve të internetit të qeverisë për lajmet më të fundit nga Ukraina.
Mesazhi u publikua në ditën kur ushtria ruse nisi një sulm me raketa në qendrën e Vinnytsia në Ukrainën qendrore. Një paralajmërim i tillë i mëparshëm është bërë më 28 maj./FolDrejt/
