Marko Gjuriq, ambasador i Serbisë në Shtetet e Bashkuara të Amerikës (ShBA), i është referuar yllit shqiptar të muzikës me famë botërore, Dua Lipës si “bashkëkombëse”, transmeton Fol Drejt.
Për më shumë, Gjuriq ka shkuar edhe më larg, duke qenë se krahas emrit të saj e ka bashkëngjitur flamurin serb.
Këtë ai e ka bërë në njërin nga postimet në Twitter, derisa ka replikuar me ish-Ambasadoren e Kosovës në Amerikë, Vlora Çitaku për pjesëmarrjen e tenistit serb Novak Gjokoviq në Australian Open.
“T’i lëmë anash komentet, unë jam fort krenar me bashkëkombësen tonë të dashur Dua Lipën, edhe pse ajo mund të ketë mendime të ndryshme nga ne në çështje politike”, ka shkruar ai.
P.S. Petty hateful comments aside, I am very proud of our lovely compatriot Dua Lipa 🇷🇸, even though she may think differently on a political issue.
— Марко Ђурић (@markodjuric) January 4, 2022
