Trajneri i futbollit të Realit, Carlo Ancelotti ka thënë sot se klubi madrilen ka nevojë për një sulmues cilësor, i cili duhet të jetë zëvendësues i francezit Karim Benzema, raportojnë mediat spanjolle.
“Ne duhet të mendojmë për një sulmues të ri. Karim nuk është më një djalë i ri, por ai do të jetë me ne edhe sezonin e ardhshëm. Kemi shumë për të bërë – Ligën e Kampionëve dhe kampionatin spanjoll. Nuk e di nëse Benzema do të rinovojë kontratën, por e di që futbollistët e tillë të Realit duhet të qëndrojnë në klub”, tha Ancelotti në konferencën për shtyp para ndeshjes së nesërme me Elçen, transmeton Fol Drejt.
