Real Madrid është në çerekfinale të Ligës së Kampionëve. Pasi fitoi 5:2 në ndeshjen e parë në Anfield, Real Madridi nuk lejoi një surprizë në kthim dhe me qetësi kaloi në mesin e tetë klubeve më të mira në Evropë, duke fituar 1:0.
Golin e vetëm e shënoi Karim Benzema në minutën e 79-të. Pas ndeshjes, trajneri i Realit, Carlo Ancelotti bëri deklaratat e para dhe menjëherë tha se Benzema do të luajë në El Clasico të së dielës pavarësisht dëmtimit që pësoi në fund të ndeshjes.
“Mos u shqetesoni. Ishte vetëm një goditje. Karim do të luajë kundër Barcelonës”, tha ai.
“Modric dhe Kroos luajnë sepse e meritojnë”
“Camavinga pëlqen të luajë me Modricin dhe Kroosin. Ndihet i sigurt dhe komod. Më lejoni të them një gjë. Modriç dhe Kroos nuk luajnë në ekipin e parë për shkak të karrierës së tyre të gjatë. Ata luajnë sepse e meritojnë. Kjo është. Do të doja të lavdëroja edhe Naçon, ai ishte shumë i mirë”, tha italiani dhe më pas zbuloi se Reali ka lojtarin më të mirë në botë për mendimin e tij.
“Vinicius është lojtari më i mirë në botë për momentin”, ka thënë Ancelotti, transmeton Fol Drejt.
