Ancelotti mbajti një konferencë për shtyp para ndeshjes së ligës së Real Madridit në Cadiz (nesër, 21:00). Toni Kroos dhe Vinicius Junior pritet të mungojnë në atë ndeshje për të qenë sa më të gatshëm për ndeshjen e dytë çerekfinale të Champions League me Chelsean.
Të dy do të udhëtojnë me pjesën tjetër të skuadrës, por ndjejnë dhimbje në aduktor, prandaj trajneri i Realit nuk ka ndërmend të rrezikojë futjen e tyre në lojë. Gjatë konferencës për shtyp, Ancelotti-t iu desh të adresonte kritikat që merr dhe tha se ato janë të zakonshme dhe se “ne jetojmë në një botë ku duhet të dëgjosh çfarë thonë tifozët, gazetarët, klubi dhe lojtarët”.
Ai shtoi ndër të tjera se “disa kritika janë të justifikuara, të tjera jo”
Ai nuk do ta ndërronte Viniciusin me Haalandin
Ai zbuloi se nesër mund të ketë vend për Eden Hazard në skuadër, por ndoshta nuk do të jetë pjesë e formacionit fillestar.
“A do ta ndërronit Viniciusin me Erling Haaland?” ishte pyetja që e tronditi trajnerin italian.
“Jo. Çfarë lloj pyetjeje është kjo? Madridi përfiton nga Vinicius, siç përfiton City nga Haaland,” u përgjigj Ancelotti.
Haaland aktualisht ka 45 gola dhe gjashtë asistime në 39 ndeshje për Manchester Cityn, dhe Vinicius, gjithashtu 22 vjeç, ka 21 gola dhe 16 asistime në 45 ndeshje të luajtura për Realin, transmeton Fol Drejt.