Trajneri i Real Madridit, Carlo Ancelotti i ka quajtur si jo normale paraqitjet e Federico Valverdes, i cili këtë sezon ka arritur në kuotën e 6 golave për klubin mbretëror, shkruan Fol Drejt.
Tekniku italian tha se beson që Valverde do të shënojë më shumë se 10 gola këtë sezonë, duke shtuar me humor se në këtë mënyrë ai do ta ruajë pozitën e trajnerit tek gjigandi madrilen.
Ancelotti këtë deklaratë e bëri duke kujtuar fjalët e tij në gusht, ku kishte thënë me shaka se nëse Valverde nuk shënon së paku 10 gola në këtë sezonë ai do të largohej nga Real Madridi. /FolDrejt/
