Anija BC CALLISTO që transportonte grurë ukrainas është nisur për në Etiopi përmes “korridorit të grurit” si pjesë e iniciativës “Grurë nga Ukraina”, transmeton Ukrinform, përcjell Fol Drejt.
“Anija e dytë me 30,000 ton grurë është dërguar në Etiopi. BC CALLISTO është anija e dytë si pjesë e programit të nisur nga Presidenti ukrainas Volodymyr Zelensky në partneritet me Programin Botëror të Ushqimit (WFP) të Kombeve të Bashkuara,” thuhet në raport.
Anija e parë, NORD VIND, mbërriti në portin e Xhibutit më 3 dhjetor. Rreth 25,000 ton grurë humanitar nga Ukraina do t’u dorëzohen banorëve të Etiopisë.
Sipas raportit, dy bulker të tjerë — NEVA dhe RUBYMAR — janë duke u ngarkuar në portin e Chornomorsk. Ata do të dorëzojnë 55,000 ton grurë humanitar në Somali dhe Sudan.
Brenda dy ditësh, portet e Detit të Zi të Ukrainës dërguan nëntë anije me 336,000 ton produkte bujqësore në vendet në Afrikë, Azi dhe Evropë. Që nga fillimi i zbatimit të Iniciativës së Grurit të Detit të Zi, bota ka marrë 13 milionë ton produkte ushqimore ukrainase. /FolDrejt/
