Presidenti rus Vladimir Putin mund të bëjë një vizitë zyrtare në Turqi pas inaugurimit të Rexhep Tajip Erdogan, i cili u rizgjodh president në raundin e dytë të zgjedhjeve fundjavën e kaluar, tha një burim i mirëinformuar, i paidentifikuar në Ankara për Tass.
“Nëse bëhet një vizitë e tillë, të dy liderët do të diskutojnë për konfliktin në Ukrainë dhe marrëveshjen për eksportet e grurit nga portet e Detit të Zi”, tha burimi, duke refuzuar të japë detaje të mëtejshme.
Zëdhënësi i Kremlinit Dmitry Peskov tha se në një bisedë telefonike të fundit, liderët e Rusisë dhe Turqisë konfirmuan synimet e tyre për t’u takuar personalisht në të ardhmen e afërt, por se vendndodhja dhe koha e një takimi të mundshëm “do të duhet të koordinohen duke marrë parasysh oraret e dy presidentëve”./FolDrejt/
