WhatsApp nuk do të funksionojë pas 31 dhjetori në disa telefona.
Përkatësisht ky aplikacion nuk do të jetë aktiv në modelet e vjetra iPhone dhe Android, përcjell Fol Drejt.
WhatsApp do të pushojë së funksionuari në 49 modele të telefonave duke përfshirë iPhone 5 ose 5c së bashku me disa modele Huawei, LG dhe Samsung. Përdoruesve të këtyre telefonave do t’u dërgohet një njoftim nga aplikacioni para se të pushojë së funksionuari.
“Pajisjet dhe softueri ndryshojnë shpesh, kështu që ne rishikojmë rregullisht se cilat sisteme operative mbështesim dhe bëjmë përditësime…Nëse ndalojmë së mbështeturi sistemin tuaj operativ, do të njoftoheni dhe do t’ju kujtohet disa herë për të përmirësuar pajisjen tuaj për të vazhduar përdorimin e WhatsApp”, shprehet një zëdhënës i WhatsApp./FolDrejt/
