Irani thotë se Arabia Saudite ka ftuar presidentin iranian Ebrahim Raisi për një vizitë zyrtare – pak më shumë se një javë që kur të dy vendet ranë dakord të rivendosin marrëdhëniet diplomatike. raporton Klix, përcjell Fol Drejt.
Teherani tha se ftesa erdhi në një letër nga mbreti Salman, por sauditët ende nuk e kanë konfirmuar atë.
Historia e fundit e Lindjes së Mesme është mbizotëruar nga armiqësia mes dy vendeve. Kina ka ndërmjetësuar shkrirjen e lidhjeve midis dy fuqive rajonale, të cilat mund të riformojnë gjeopolitikën e rajonit.
Një zyrtar i lartë iranian, Mohammad Jamshidi, postoi ftesën për të vizituar kryeqytetin saudit Riad, duke shtuar se Raisi e mirëpriti atë dhe “theksoi gatishmërinë e Iranit për të zgjeruar bashkëpunimin”.
Përveç kësaj, Ministri i Jashtëm iranian Hossein Amir-Abdollahian u tha gazetarëve se të dy vendet kishin rënë dakord të mbanin një takim në nivel ministrash të jashtëm dhe se ishin propozuar tre vende të mundshme.
Ai nuk ka specifikuar lokacionet dhe as nuk ka thënë se kur mund të mbahet takimi. /FolDrejt/
