74 mijë azilkërkues ndodhen momentalisht në ishullun Lesbos në Greqi, ndëra këtë vit erdhën 42 mijë emigrantë në vendet e Europës jugore, shkruan “Der Standard”. Kjo situatë ka sjellë kampe të mbipopulluara jo vetëm në Lesbos dhe Bosnjë, por edhe frikën e mbipopullit të të gjithë vendeve ballkanike nga azilkërkuesit – duke të rikujtuar vitin 2015, shkruan “Der Standard”.
“Shumë azilkërkues Bosnjën e varfër e shikojnë vetëm si vend transiti. Por tentativa e tyre për të kaluar në Kroaci është tepër e vështirë. Përveç kontrolleve të shumta nga policia kroate, 12 azilkërkues janë mbytur në lumin kufitar mes këtyre dy shteteve,” përcjell foldrejt.com. “Shumë azilkërkues ankohen se përveç dhunës së policisë kroate, ata kthehen mbrapsht në Bosnjë të plaçkitur.”
Vetëm në qytetin boshnjak Bihac strehohen 4500 deri 6000 emigrantë. Për shkak të dimrit janë ndërtuar katër kampe të reja azili, për të zbehur problemin e dimrit. Sa u takon kombësive një e treta e emigrantëve vijnë nga Pakistani, 16 përqind nga Irani, 12 përqind nga Siria, 12 përqind nga Afganistani dhe nëntë përqind nga Iraku. Shumë sosh presin prej një viti në kampe, por nuk kanë çfarë të humbin – pasi asnjëri se mendon kthimin.
Situata e refugjatëve është temë sensitive për gjithë Europën, pasi përveç disa partive të majta askush nuk dëshiron të strehojë refugjatë. Ardhja e tyre në Ballkan mund të shkaktojë trazira mes vendeve fragjile./Foldrejt.com
