Argjentina është në finale të Kampionatit Botëror “Katari 2022”. Argjentina arriti fitore me rezultat 3-0 kundër Kroacisë në gjysmëfinale në takimin e zhvilluar në “Lusail Stadium” në prani të 88 mijë e 966 shikuesve, shkruan Fol Drejt.
Nga Gëzim Olluri – Fol Drejt
Në pjesën e parë argjentinasit realizuan dy gola. Në minutën e 34-të, Lionel Messi realizoi për epërsinë e Argjentinës nga penalltia. Në minutën e 39-të Julian Alvarez realizoi golin e dytë pas një aksioni të bukur kundër kroatëve. Me dy gola epërsi, argjentinasit e mbyllën pjesën e parë.
Në pjesën e dytë, Argjentina e ruajti rezultatin dhe arriti të realizoi edhe një gol. Lionel Messi arriti të depërtoi dhe të asistoj për Julian Alvarez i cili realizoi në minutën e 69-të për rezultatin përfundimtar: Argjentina – Kroacia 3-0.
Në finale Argjentina do të luaj kundër fituesit tjetër gjysmëfinalist, Franca – Maroku. Finalja do të zhvillohet më 18 dhjetor nga ora 16:00 në “Lusail Stadium”. Në anën tjetër, Kroacia do të luaj për vendin e tretë më 17 dhjetor nga ora 16:00./FolDrejt/
