E vërteta rreth zbulimit të arit në Slivovë, nuk është ashtu siç po pasqyrohet në media, thotë gjeologu Bujar Bilalli, transmeton Fol Drejt.
Gjeologu mitrovicas njëherësh edhe njëri ndër ekspertët e parë të përfshirë në projektin e hulumtimeve në rajonin e Prishtinës në Slivovë, thotë se raportimet e fundit kontradiktore nuk po e tregojnë të vërtetën.
Nëpërmjet një reagimi në llogarinë e tij në Facebook, ai ka thënë se hulumtimet kanë nisur prej vitit 2013.
Ky është reagimi i plotë i tij:
Depoziti i Au në Fshatin Slivovë të Komunës së Prishtinës ka filluar të hulumtohet që nga viti 2013.
Për herë të parë zonën e kam prek unë personalisht, ku pastaj jemi licencuar dhe kemi punuar deri ne fazën e parafizibilitetit.
Zona në fjalë ka potencial të mirë për të vazhduar hulumtimi dhe për të kaluar në shfrytëzim!
Kompania që ka zbuluar depozitin është https://avrupaminerals.com/project/slivovo/, duke pasur parasysh koston e lartë për zhvillimin e një projekti minerar dhe në pamundësi për ta zhvilluar deri në finalizim ka arrit marrëveshje me kompanin minerare në fjalë të cilës i uroj suksese në këtë drejtim. Çdo lajm i mirë për Kosovën tonë të dashur është i mirë se ardhur.
Vetëm se deklarimet nuk po e tregojnë të vërteten, faktet janë pak më ndryshe.
