Sipas BBC-së, ushtria ruse dyshohet se ka nisur të përdorë armë me lazer në Ukrainë.
Presidenti Volodymyr Zelensky është shprehur se përdorimi i tyre tregon dështimin e plotë të Rusisë në Ukrainë, transmeton Fol Drejt.
“Sot, përfaqësuesit e shtetit rus thanë se pushtuesit kishin filluar të përdornin armë me lazer në Ukrainë në vend të raketave. Në propagandën naziste përdorej një term: armët mrekullibërëse. Përherë e më e qartë bëhej se nuk kishin mundësi ta fitonin luftën, aq më shumë shtohej propaganda mbi një armë të mrekullueshme, e cila do të ishte aq e fuqishme sa do të shënonte kthesën në luftë.
Kështu po shohim se në muajin e tretë të luftës Rusia po përpiqet të gjejë armën e mrekullisë; e që na qenka lazeri. Kjo tregon qartë dështimin total të misionit”, tha ai.
Zelensky foli vetëm disa orë pas deklaratës së zëvendëskryeministrit rus, i cili tha se Rusia po përdorte armë me lazer në Ukrainë. Yuri Borisov tha se armët ishin në gjendje të rrëzonin dronët tre milje larg dhe të verbonin satelitët.
Ushtria ukrainase po përballet me bombardime në rritje rreth rajonit të Donbasit./FolDrejt/
