Pas publikimit të incizimeve turke mbi asgjësimin e tankeve, helikopterëve dhe depove të ushtrisë siriane, bota ka shkruar për një sukses të veçantë jo vetëm për aeroplanët luftarë F-16, por edhe për dronët turq, të panjohura deri tani, informon foldrejt.com.
Shtëpia mediatike “Bloomberg” me seli në ShBA, suksesin e dronëve të armatosur turq e pasqyroi me fjalët: “Ankaraja tregoi fuqinë e saj teknologjike”.
Në lajme, u tregua se një numër i paparë i avionëve lëvizin në mënyrë të koordinuar.
Raportohet se për herë të parë një vend ka menaxhuar një hapësirë të madhe ajrore duke përdorur një tufë me dronë.
Media gjermane SPIEGEL, do shkruante se “Turqia arriti atë që Perëndimi nuk mund ta arrinte prej shtatë vjetësh”, duke shpallu zonën e ndalim fluturimit në Idlib.
Edhe “Zëri i Amerikës” (VoA) publikoi pamjet nga goditja e objektivave me saktësi të lartë nga dronët e armatosura turke.
Edhe gazeta britanike “The Guardian” dhe kanali televiziv francez “France 24” njoftuan se elementët e regjimit të Asadit u shkatërruan me dronë turq.
Shkencëtari politik portugez dhe studiuesi në Institutin Hudson të ShBA-së, Bruno Maçaes foli me lëvdata për suksesin ushtarak të Turqisë në Siri.
Në një postim të bërë në llogarinë e tij në Tëitter Bruno Maçaes shtroi pyetjen se “Si u bë Turqia superfuqi me dronë të armatosur?”, ndërsa për drejtorin teknik të kompanisë së industrisë së mbrojtjes “Baykar”, Selçuk Bayraktar tha se “Ai është njeriu që ndryshoi fatin e Lindjes së Mesme”.
Përndryshe, deri tani dronët turq i janë shitur Ukrainës dhe Katarit, kurse shihet se në të ardhmen ata do jenë pjesë e ushtrive tjera./Foldrejt.com
