Pavarësisht arrestimeve, pamjet tregojnë se disa protestues kërcejnë nën shoqërimin e muzikës, ndërkohë shumë policë me jelekë të verdhë u kanë shpërndarë protestuesve broshura duke i paralajmëruar se mund të arrestohen nëse nuk shpërndahen.
Në kryeqytetin Ottawa të Kanadasë ka filluar arrestimi i shoferëve të kamionëve që morën pjesë në protestën “Konvoji i Lirisë”, i cili u organizua për reagimin kundër kufizimeve të koronavirusit të ri (COVID-19), shkruan AA.
Policia e qytetit Ottawa filloi të arrestojë shoferët e kamionëve pas rreth dy orë nga njoftimi se është afër largimi i protestuesve nga qendra e qytetit.
Në mediat kanadeze janë paraqitur pamjet e arrestimit edhe të Chris Baber, për të cilin thuhet se është një ndër organizatorët e protestës që vazhdon që nga fundi i janarit, ndërsa policia ende nuk ka konfirmuar identitetin e liderit të protestës, transmeton Fol Drejt.
Pavarësisht arrestimeve, pamjet tregojnë se disa protestues kërcejnë nën shoqërimin e muzikës në Kodrën e Parlamentit (Parliament Hill), ndërkohë shumë policë me jelekë të verdhë u kanë shpërndarë protestuesve broshura duke i paralajmëruar se mund të arrestohen nëse nuk shpërndahen.
Arrestimet kanë ardhur pasi qeveria federale miratoi të hënën Ligjin e Situatave Emergjente. Gjithashtu thuhet se në vend për herë të parë që nga viti 1988 është zbatuar ky ligj që njihet si “Ligji i Luftës” që kur u miratua./FolDrejt/
